தங்கம் விலை இன்று ரூ 168 குறைந்தது!

சென்னை: தங்கம் விலை இன்றும் தொடர்ந்து சரிந்து மக்களை பெரும் மகிழ்ச்சிக்குள்ளாக்கியது. கடந்த சனிக்கிழமையை விட இன்று சவரனுக்கு 168 ரூபாய் குறைந்தது.

சனிக்கிழமை சவரன் 13104-க்கு விற்கப்பட்ட தங்கம் இன்று 12936 ஆகக் குறைந்தது. கிராம் ரூ 1617 என விற்கப்பட்டது. சரவணாஸ்டோர்ஸில் கிராம் ரூ 1577 என விற்பனையானது.

தங்கத்தின் விலை நாளையும் குறைய வாய்ப்புள்ளதாக நகைக் கடைக்காரர்கள் தெரிவித்தனர். ஆனாலும் இது ஒரு தற்காலிக சரிவுதான் என்றனர்.

தங்கம் வாங்குவது கடந்த வாரத்தில் கணிசமாகக் குறைந்ததாலும், சர்வதேச மார்க்கெட்டின் நிலையற்ற தன்மை காரணமாகவும் இந்த விலைக்குறைவு என சர்வதேச தங்கக் கவுன்சில் தெரிவித்துள்ளது.

இன்று வழக்கத்தைவிட நகைக் கடைகளில் கூட்டம் வந்ததாகத் தெரிவித்தனர், விற்பனையாளர்கள்.