ஐஏஎஸ் அதிகாரிகளின் சொத்துக்கள்-வெளியிட தமிழ்நாடு தகவல் ஆணையம் மறுப்பு

சென்னை: ஐ.ஏ.எஸ். அதிகாரிகளின் சொத்துக்கள் குறித்த விவரங்களை பகிரங்கப்படுத்துவதில்லை என்று தமிழ்நாடு தகவல் ஆணையம் தீர்மானித்துள்ளதாம்.

இதுகுறித்து தகவல் ஆணையம் எடுத்துள்ள முடிவின்படி, ஐஏஎஸ் அதிகாரிகளின் சொத்துக்கள் குறித்த விவரங்களை வெளியிடுவதில்லை. குறிப்பிட்ட ஊழல் புகார்கள் குறித்து வந்தால் மட்டுமே அதை வெளிப்படுத்துவது என்று முடிவெடுக்கப்பட்டுள்ளதாம்.

உயர்நீதிமன்றங்கள் மற்றும் உச்சநீதிமன்ற நீதிபதிகளின் சொத்துக்களே பகிரங்கமாக தெரிவிக்கப்பட்டு வருகிறது.

மேலும் தமிழகத்திலேயே முதல் முறையாக நாமக்கல் கலெக்டர் சகாயம் தனது சொத்து விவரங்களை வெளியிட்டு அனைவரையும் வியப்பில் ஆழ்த்தினார். இந்த நிலையில், தமிழக தகவல் ஆணையம் எடுத்துள்ள முடிவு வியப்பாக மட்டுமல்ல, கேலிக்கூத்தாகவும் உள்ளது.