தமிழக பாஜக புதிய தலைவர் பொன் ராதாகிருஷ்ணன்?

சென்னை: தமிழக பாஜகவின் புதிய தலைவராக பொன். ராதாகிருஷ்ணன் தேர்ந்தெடுக்கப்படுவார் என்று தெரிகிறது.

தற்போது தமிழக பாஜக தலைவராக உள்ள இல.கணேசனின் பதவிக் காலம் இந்த மாதம் முடிவடைகிறது. புதிய தவைரை தேர்வு செய்வதற்கான கருத்து கேட்பு கூட்டங்கள் கடந்த சில மாதங்களாக நடந்தன.

புதிய தலைவர் பதவிக்கு முன்னாள் மத்திய அமைச்சர் பொன்.ராதாகிருஷ்ணன், பொதுச்செயலாளர் எச்.ராஜா ஆகியோரது பெயர்கள் முன் மொழியப்பட்டன. இருவரில் பொன்.ராதாகிருஷ்ணன் புதிய தலைவராக அதிக வாய்ப்பு இருப்பதாக கட்சி வட்டாரங்கள் தெரிவிக்கின்றன.

இருதய அறுவை சிகிச்சை செய்து ஓய்வெடுத்து வரும் இல.கணேசன் இந்த வாரம் கட்சி அலுவலகத்துக்கு வருகிறார். அவர் வந்ததும் கட்சியின் மேலிட நிர்வாகிகள் புதிய தலைவர் தேர்வு தொடர்பாக இறுதி கட்ட ஆலோசணை நடத்த உள்ளனர்.