தமிழகம்-6 மாநிலங்களில் 11 புதிய அதிவேக சாலைகள்!

டெல்லி: தமிழகம் உள்ளிட்ட 7 மாநிலங்கள் வழியாக 11 புதிய அதி வேக சாலைகளை அமைப்பது குறித்து மத்திய அரசு ஆலோசித்து வருகிறது.

பசுமைச் சாலை திட்டங்களாக இவை மேற்கொள்ளப்படும். மூன்று கட்டங்களாக இவை செயல்படுத்தப்பபடும். முதல் கட்டப் பணிகள் 2012ம் ஆண்டில் தொடங்கும்.

இந்த சாலைகளின் நீளம் 3140 கிலோமீட்டர் ஆகும். தமிழ்நாடு, மகாராஷ்டிரா, ஆந்திரா, குஜராத், டெல்லி, ஹரியானா, கேரளா வழியாக இந்த சாலைகள் செல்லும்.

2022ம் ஆண்டுக்குள் 15 ஆயிரத்து 600 கிலோமீட்டர் அதி வேக சாலைகளை அமைக்க முன்பு திட்டமிடப்பட்டிருந்தது. தற்போது அந்த இலக்கு 18 ஆயிரத்து 637 கிலோமீட்டராக உயர்த்தப்பட்டுளளது.

இந்த பசமைச் சாலைத் திட்டத்தின் முதல் கட்டத்தில் அதிகபட்சம் 580 கிலோமீட்டர் அளவுக்கு சாலை அமைக்கப்படும். 2வது கட்ட திட்டம் 2013-2017க்குள் மேற்கொள்ளப்படும். 3வது கட்டமாக 2018 -2022க்குள் சாலை அமைக்கப்படும். இந்த சாலைகள் அனைத்தும் உருவாக்கி, பயன்படுத்தி அரசிடம் ஒப்படைக்கும் (build-operate-transfer) முறையில் அமைக்கப்படும்.
தேவைப்பட்டால் 3வது கட்டப் பணியின்போது மேலும் 5275 கிலோமீட்டர் அளவுக்கு கூடுதல் சாலையும் அமைக்கப்படும்.