விப்ரோவை 'என்டோர்ஸ்' செய்யும் ஜூஹி!

விப்ரோ நிறுவனத்தின் உல்லன் துணிகளுக்கான பேப்ரிக் கண்டிஷனருக்கான பிராண்ட் அம்பாசடராக நடிகை ஜூஹி சாவ்லா நியமிக்கப்பட்டுள்ளார்.

திரைப்படங்களில் இப்போது ஜூஹி சாவ்லாவை அதிகம் காண முடியாவிட்டாலும் கூட பல முன்னணி நிறுவனங்களின் விளம்பரங்களில் படு பிசியாக நடித்துக் கொண்டிருக்கிறார் ஜூஹி.

தாபர், டயாப்பர், தேனா வங்கி என பல நிறுவனங்களின் விளம்பரங்களில் நடித்து வரும் ஜூஹி அடுத்து விப்ரோ நிறுவனத்திற்காக நடித்துக் கொடுக்கவுள்ளார்.

விப்ரோ நிறுவனத்தின் உல்லன் துணிகளுக்கான பேப்ரிக் கண்டிஷனரை பிரபலப்படுத்தும் விளம்பரத்தில் அவர் நடிக்கப் போகிறார்.

தற்போது ஜூஹி வசம், ஐ ஏம் என்ற படம் உள்ளது. இதில் நாயகியாக அவர் நடிக்கிறாராம். இதில் இன்னொரு 'கம்பல்சரி ரிடையர்மன்ட்' நடிகையான மனீஷா கொய்ராலாவும் இதில் உள்ளாராம்.