தெலுங்கானா தனி மாநிலம் அமைய முஸ்லீம்களும் ஆதரவு- சந்திரசேகர ராவ்

ஹைதராபாத்: தெலுங்கானா தனி மாநிலம் அமைய முஸ்லீம்கள் எதிர்ப்பு தெரிவிப்பதாக கூறப்படுவது தவறு. உண்மையில் அவர்களும் ஆதரவாகவே உள்ளனர் என்று தெலுங்கானா ராஷ்டிரிய சமிதி கட்சித் தலைவர் சந்திரசேகர ராவ் கூறியுள்ளார்.

ஜமாத் இ இஸ்லாமி ஹிந்த் அமைப்பின் சார்பில் நடந்த தெலுங்கானா ஆதரவு கூட்டத்தில் ராவ் பேசுகையில், தெலுங்கானா மாநிலம் அமையும் என்று அனைத்து முக்கியக் கட்சிகளின் தலைவர்களும் நம்பிக்கையுடன் உள்ளனர். அதேபோல முஸ்லீம்களும் தனி தெலுங்கானா மாநிலத்திற்கு ஆதரவாகவே உள்ளனர்.

தெலுங்கானா மாநிலம் அமைந்த பின்னர் கல்வி, வேலைவாய்ப்பில் நாட்டிற்கே முன்னோடியாக திகழும் வகையில் முஸ்லீம்களுக்கு தனி இட ஒதுக்கீடு வழங்கப்படும்.

எனவே தனி தெலுங்கானா மாநிலத்திற்கு எதிராக முஸ்லீம்கள் உள்ளனர் என்று கூறிய பிரதமருக்கு அந்த எண்ணத்தை மாற்றிக் கொள்ளுமாறு கேட்டுக் கொள்கிறேன் என்றார் ராவ்.