புதுச்சேரி அ.தி.மு.க. எம்.எல்.ஏ. அன்பழகன் மருத்துவமனையில் அனுமதி

புதுச்சேரி: புதுச்சேரி அ.தி.மு.க. எம்.எல்.ஏ. அன்பழகனுக்கு திடீர் நெஞ்சு வலி ஏற்பட்டதால் அவர் சென்னையில் உள்ள ஒரு தனியார் மருத்துவமனையில் சிகிச்சைக்காக அனுமதிக்கப்பட்டுள்ளார்.

புதுச்சேரி மாநில அ.தி.மு.க. செயலாளராக இருப்பவர் அன்பழகன். இவர் சட்ட மன்ற உறுப்பினராகவும் உள்ளார்.

இவருக்கு திடீரென நெஞ்சுவலி ஏற்பட்டதையடுத்து உடனடியாக புதுச்சேரியில் உள்ள மருத்துவ மனையில் சிகிச்சைக்காக சேர்க்கப்பட்டார்.

நேற்று மாலை அன்பழகன் உடல் நிலையில் முன்னேற்றம் ஏற்பட்டதை அடுத்து, அவர் புதுச்சேரி அரசு மருத்துவமனையிலிருந்து டிஸ்சார்ஜ் செய்யப்பட்டு, ஆம்புலன்சு மூலம் சென்னை கொண்டு செல்லப்பட்டார்.

அங்கு ஒரு தனியார் மருத்துவமனையில் மேல் சிகிச்சைக்காக அனுமதிக்கப்பட்டார். அவருக்கு தீவிர சிகிச்சை அளிக்கப்பட்டு வருகிறது.