மனைவியுடன் மீண்டும் இணைந்தார் டைகர் உட்ஸ்!

உலகின் முதல்நிலை கோல்ஃப் வீரர் டைகர் உட்ஸ், பல்வேறு பிரச்சினைகளுக்குப் பிறகு தனது மனைவி மற்றும் இரு குழந்தைகளுடன் இணைந்தார்.

டைகர் உட்ஸ், மனைவி எலின். இவர்களுக்கு 2 வயது மகள் சாம், ஒரு வயது மகன் சார்லி உள்ளனர். உட்ஸுக்கு பல பெண்களுடன் செக்ஸ் தொடர்பு இருந்ததாக சில மாதங்களுக்கு முன்பு தகவல் வெளியானதையடுத்து, அதிர்ச்சியடைந்தார் எலின். இதனால் அவரை விவாகரத்து செய்யப் போவதாகவும் அறிவித்தார்.

அவரது இந்த செயலுக்கு ரசிகர்கள் மத்தியிலும் கடும் எதிர்ப்பு எழுந்தது. இதனால் உட்ஸ் தலைமறைவாக இருந்து வந்தார்.

மனைவியுடன் சமரசப் பேச்சில் ஈடுபட்ட உட்ஸ், இப்போது தனது மனைவி, மகன், மகளுடன் மீண்டும் இணைந்து விட்டதாகக் கூறப்படுகிறது. இதையடுத்து, விவாகரத்து முயற்சியை கைவிடப்போவதாக எலின் அறிவித்துள்ளார்

ஹாட்டிஸ்பர்க் நகரில் உள்ள வீட்டுக்கு குடியேறி புதிதாக வாழ்க்கையை ஆரம்பித்துள்ளதாக இணையதளம் ஒன்றில் செய்தி வெளியாகியுள்ளது.