லஞ்சம் வாங்கிய ராணுவ பெண் அதிகாரிக்கு சிறை!

டெல்லி: லஞ்சம் வாங்கிய ராணுவ பெண் அதிகாரிக்கு ஓராண்டு சிறை தண்டைன விதிக்கப்பட்டுள்ளது.

ராணுவ கோர்ட்டில் ஊழலுக்காக தண்டனை பெற்ற முதல் பெண் இவர் என்பது குறிப்பிடத்தக்கது.

டிம்பிள் சிங்லா என்ற இந்த பெண் அதிகாரி மேஜர் ரேங்கில் பாதுகாப்பு துறையில் அதிகாரியாக இருந்தவர்.

இவர் பணியில் இருந்த போது ஹவில்தார் சந்திரன் என்பவர் மீது கொலைக் குற்றம் சுமத்தப்பட்டது. ஆனால், வழக்கில் சந்திரனுக்கு ஆதரவாக கோர்ட்டில் ஆவணங்கள் தயார் செய்து கொடுக்க ரூ. 10,000 லஞ்சமாக பெற்றதாக குற்றம் சாட்டப்பட்டார் டிம்பிள்.

கடந்த 2007ம் ஆண்டே வழக்கு பதிவு செய்யப்பட்டு விசாரணை நடந்து வந்தது. நேற்று விசாரணை முடிந்து தீர்ப்பளிக்கப்பட்டது.

டிம்பிள் வேலையில் இருந்து நீக்கப்பட்டதோடு, ஓராண்டு கடுங்காவல் தண்டனை பெற வேண்டும் என ராணுவ கோர்ட் தீர்ப்பளித்தது.