தொழிலதிபர் ஜிபி பிர்லா மரணம்

கொல்கத்தா: பிரபல தொழிலதிபர் ஜிபி பிர்லா வெள்ளிக்கிழமை நள்ளிரவு காலமானார். அவருக்கு வயது 86.

ஜிபி - சிகே பிர்லா குழுமத்தின் தலைவராக இருந்தவர் ஜிபி பிர்லா. இவரது தந்தைதான் பிரபல தொழிலதிபர் மறைந்த பிஎம் பிர்லா.

ஆட்டோமொபைல்ஸ், பொறியியல், கட்டுமானம், காகித உற்பத்தி மற்றும் தொழில்துறை சாதனங்கள் உற்பத்தியில் முன்னிலை வகிப்பவை பிர்லா குழும நிறுவனங்கள்.

புகழ்பெற்ற இந்துஸ்தான் மோட்டார்ஸ் நிறுவனம் இவர்களுடையதே.

மேலும் ஓரியன்ட் பேப்பர் இன்டஸ்ட்ரீஸ், இன்டியன் ஸ்மெடிங் மற்றும் ரிபைனிங் நிறுவனம், பிஎம் பிர்லா இதய ஆராய்ச்சி மையம், கொல்கத்தா மெடிகல் ரிசர்ச் இன்ஸ்டிட்யூட், நைஜீரியா எஞ்ஜினியரிங் வொர்க்ஸ் நிறுவனம் - நைஜீரியா, பான் ஆப்ரிகன் பேப்பர் மில்ஸ் நிறுவனம் - கென்யா போன்றவை ஜிபி - சிகே பிர்லா குழுமத்துக்குச் சொந்தமானவை.

மனைவி நிர்மலா, மகன் சி கே பிர்லா மற்றும் மகள் லேகா போத்தருடன் கொல்கத்தாவில் வசித்து வந்த பிர்லா சில தினங்களாக உடல் நலம் குன்றியிருந்தார்.