நோபல் பரிசுப் பணம் - பாரக் ஒபாமா இன்னும் பெறவில்லையாம்!

வாஷிங்டன்: அமைதிக்கான நோபல் பரிசைப் பெற்று விட்ட அமெரிக்க அதிபர் பாரக் ஒபாமா, அதற்கான பரிசுப் பணத்தை இன்னும் பெறவில்லை என்று வெள்ளை மாளிகை தெரிவித்துள்ளது.

நோபல் பரிசுக்கான பரிசுத் தொகை 1.4 மில்லியன் டாலர்களாகும்.

இதுகுறித்து வெள்ளை மாளிகை செய்தித் தொடர்பாளர் ராபர்ட் கிப்ஸ் கூறுகையில், எனக்குத் தெரிந்து அதிபர் பரிசுத் கொகையை இன்னும் பெற்றதாகத் தெரியவில்லை. அந்தப் பணம் இன்னும் நோபல் கமிட்டியிடமே உள்ளது. அதைத் தருமாறு அதிபரும் இதுவரை கேட்கவில்லை என்றார்.

கடந்த ஆண்டு டிசம்பர் 10ம் தேதி அமைதிக்கான நோபல் பரிசைப் பெற்றுக் கொண்டார் ஒபாமா என்பது குறிப்பிடத்தக்கது.

அவர் நோபல் பரிசைப் பெற்றதும், அதற்கான பரிசுப் பணத்தை நல அமைப்புகளுக்கு அதிபர் வழங்குவார் என்று வெள்ளை மாளிகை கூறியது. ஆனால் இன்னும் பரிசுப் பணத்தையே ஒபாமா பெறவில்லை என்று வெள்ளை மாளிகை தற்போது கூறியுள்ளது.