நெல்லையில் இந்திய யூனியன் முஸ்லிம் லீக் மாநாடு

நெல்லை: நெல்லையில் இன்று இந்திய யூனியன் முஸ்லிம் லீக் மாநில மாநாடு நடந்தது.

இந்திய யூனியன் முஸ்லிம் லீக்கின் 62ம் ஆண்டு சமுதாய மறுமலர்ச்சி மாநாடு மேலப்பாளையம் ஜின்னா திடலில் இன்று காலை தொடங்கி நடந்து வருகிறது.

இன்று காலை 9 மணி முதல் 12.30 மணி வரை மகளிர் விழிப்புணர்வு கருத்தரங்கு நடந்தது. கருத்தரங்குக்கு பாத்திமா முஸப்பர் தலைமை வகிக்கிறார். குடும்ப, மருத்துவ கல்வி விழிப்புணர்வு குறித்து கருத்தரங்கில் விவாதிக்கப்பட்டது.

இதைத் தொடர்ந்து மாலை 4 மணிக்கு மேலப்பாளையம் விஎஸ்டி பள்ளிவாசல் முன்பிருந்து தொடங்கிய சமூக நல்லிணக்க பேரணியை எம்கேஎம் முகமது ஷாபி துவக்கி வைத்தார். பேரணியில் உலமாக்கள், இளைஞர்கள் பங்கேற்றனர்.