ரேஷன் திட்டத்தில் அதிருப்தியா? அரசுக்கு ஆலோசனை சொல்லுங்க!

சென்னை: பொது வினியோக திட்டத்தில் உள்ள குறைபாடுகளை சரி செய்ய அமைக்கப்பட்ட ஆய்வுக் குழு வரும் 15ம் தேதி முதல் 20ம் தேதி வரை தமிழகத்தில் சுற்றுப்பயணம் மேற்கொள்ள உள்ளது.

இக்குழுவினர் சென்னையில் 15ம் தேதியும், கடலூரில் 17, திருச்சியில் 18, மதுரையில் 19 ஆகிய தேதிகளில் ஆய்வு செய்ய உள்ளனர்.

சென்னையில் மாவட்ட ஆட்சியர் அலுவலகத்தில் 15ம் தேதி காலை 11.30 மணி முதல் பிற்பகல் 1.30 மணி வரையிலும், 19ம் தேதி மதியம் 2 மணி முதல் 4 மணி வரை மதுரை கலெக்டர் அலுவலகத்திலும், குறைகேட்புக் கூட்டம் நடத்தப்படுகிறது.

இதில், பொதுமக்கள், ஆர்வலர்கள், தன்னார்வ தொண்டு நிறுவனங்கள் கலந்து கொண்டு குறைகளையும், பொதுவினியோக திட்டங்களை சிறப்பாக செயல்படுத்துவது பற்றியும் ஆலோசனைகளை வழங்கலாம்.