மெக்சிகோவில் பட்னி சாப்ட்வேர் நிறுவன கிளை

மும்பை: தகவல் தொழில்நுட்ப மற்றும் பிபிஓ சேவைகள் நிறுவமான பாட்னி கம்ப்யூட்டர் சர்வீசஸ் மெக்சிகோவில் தனது புதிய மையத்தை தொடங்கி உள்ளது.

உலகம் முழுவதும் 21 மையங்களைக் கொண்டுள்ள பாட்னி கம்ப்யூட்டர் சர்வீசஸ் நிறுவனம், தற்போது கிளைகளை மேலும் விரிவாக்கும் முயற்சிகளில் ஈடுபட்டுள்ளது.

குறிப்பாக லத்தீன் அமெரிக்க சந்தையில் நிறுவன செயல்பாடுகளை பரவலாக்க திட்டமிடப்படுகிறது. இம்முயற்சியின் ஒரு பகுதியாக மெக்சிகோவின் குவாரிடெரோ நகரில் தனது 22வது மேம்பாட்டு மையத்தை பாட்னி தொடங்கி இருக்கிறது.

இதுகுறித்து பாட்னியின் மெக்சிகோ கிளை தலைவர் என்ரிக் ஆஸ்ட்ரியா கூறுகையில், 'சர்வதேச சந்தையின் 13வது பெரிய பொருளாதாரமான வடக்கு மற்றும் தென் அமெரிக்க மக்களை சுலபமாக தொடர்பு கொள்ளக்கூடிய மெக்சிகோவில் புதிய மைத்தை துவக்கியுள்ளோம்.

இங்கு உள்ளூர் தகவல் தொழில்நுட்பத் துறை சந்தை சுமார் 500 கோடி அமெரிக்க டாலர் அளவுக்கு இருப்பதாக கணக்கிடப் படுகிறது.

இதன் மூலமாக வடக்கு மற்றும் லத்தீன் அமெரிக்காவில் உள்ள எங்களின் வாடிக்கையாளர்களுக்கு துரித சேவைகள் வழங்க முடியும்' என்றார்.