திமுகவில் இணைந்தார் முன்னாள் அதிமுக எம்பி

கிருஷ்ணகிரி: தர்மபுரி தொகுதி அதிமுக முன்னாள் எம்பி எம்.ஜி.சேகர் இன்று முதல்வர் கருணாநிதி முன்னிலையில் திமுகவில் இணைந்தார்.

பென்னாகரம் இடைத் தேர்தலில் போட்டியிடும் திமுக வேட்பாளர் இன்பசேகரனை ஆதரித்து இன்று மாலை நடக்கும் பொதுக் கூட்டத்தில் கலந்து கொள்வதற்காக முதல்வர் இன்று காலை பென்னாகரம் கிளம்பினார்.

பிற்பகலில் கிருஷ்ணகிரி சென்ற அவர் தமிழ்நாடு ஹோட்டலில் ஓய்வெடுத்தார்.

அப்போது மத்திய அமைச்சர் ஜெகத்ரட்சகனுடன் வந்த அதிமுக முன்னாள் எம்பி எம்.ஜி.சேகர், தனது ஆதரவாளர்களுடன் கருணாநிதியை சந்தித்து திமுகவில் இணைந்தார்.

தர்மபுரி சப்தகிரி பொறியியல் கல்லூரி நிறுவனரான இவர் தர்மபுரி தொகுதி அதிமுக எம்பியாக இருந்தவர்.

அதிமுக மேலிடத்தை யாரும் தொடர்பு கொள்ளவே முடியாத சூழ்நிலை நிலவுவதால அந்தக் கட்சியை விட்டு விலகியதாக சேகர் கூறியுள்ளார்.