பாரக் ஒபாமாவிடம் ஆபாச வார்த்தையை பிரயோகித்த துணை அதிபர் பிடென்

வாஷிங்டன்: அமெரிக்க நாடாளுமன்றத்தில் சுகாதார மசோதா நிறைவேற்றப்பட்ட பின்னர் அதிபர் பாரக் ஒபாமாவிடம் துணை அதிபர் ஜோ பிடென் உபயோகித்த ஒரு ஆபாச வார்த்தை வீடியோவில் பதிவாகி வெளியாகி அவருக்கு பெரும் தர்மசங்கடத்தை ஏற்படுத்தியுள்ளது.

'This is a big f--deal' என்பதுதான் பிடென், ஒபாமாவிடம் கிசுகிசுத்த வார்த்தை. அவரிடம் நெருக்கமாக நின்றபடிதான இதை பிடென் சொன்னார் என்றாலும் இது ஆடியோவிலும், வீடியோவிலும் பதிவாகி வெளியாகி விட்டது.

இணையதளங்கள் பிடெனின் பேச்சை பெரிதாக வெளியிட்டு அவருக்கு தர்மசங்கடத்தை ஏற்படுத்தியுள்ளன.

பிடென் வாய் தவறி பேசுவது அல்லது உளறுவது புதிதல்ல. ஏற்கனவே பலமுறை இப்படிப் பேசி சிக்கியவர்தான் பிடென் என்பது குறிப்பிடத்தக்கது.