ஆசியா 21 - இந்திய கிளை தலைவராக கார்த்தி சிதம்பரம் தேர்வு

சென்னை:​ 'ஆசியா 21' என்ற இளம் தலைவர்கள் அமைப்பின் இந்தியக் கிளையின் தலைவராக அகில இந்திய காங்கிரஸ் கமிட்டி உறுப்பினர் கார்த்தி சிதம்பரம் தேர்வு செய்யப்பட்டுள்ளார்.

சமூக பிரச்னைகள் குறித்து கருத்து பரிமாற்றங்கள்,​​ மக்களுக்கான திட்டங்களை நிறைவேற்றுதல்,​​ உலகளாவிய தலைமையை உருவாக்கி மேம்படுத்துதல் ஆகியவற்றை குறிக்கோளாகக் கொண்டு இந்த அமைப்பு செயல்படுகிறது.

இந்த அமைப்பில் 80க்கும் மேற்பட்ட இளம் தலைவர்கள் உள்ளனர்.​ மத்திய உள்துறை அமைச்சர் சிதம்பரத்தின் மகனும் காங்கிரஸ் கமிட்டி உறுப்பினருமான கார்த்தி சிதம்பரம் இந்த அமைப்பின் இந்திய கிளையின் தலைவராக தேர்ந்தெடுக்கப்பட்டுள்ளார்.