திமுக அமைச்சரின் காரை சேதனை செய்ய முன்ற பாமக!

பென்னாகரம்: பென்னாகரத்திற்கு சென்று கொண்டிருந்த திமுக அமைச்சர் பெரியகருப்பனின் காரை வழிமறித்து பாமகவினர் சோதனை செய்ய முயன்றதால் கட்சியினர் இடையே சலசலப்பு ஏற்பட்டது.

பென்னாகரம் தொகுதிக்கு உட்பட்ட நல்லாம்பட்டியில், கடலூர் மாவட்ட பாமகவினர், கோழிப்பண்ணை ஒன்றில் தேர்தல் பணிக்காக தங்கி இருந்தனர்.

அப்போது, அந்த வழியாக இந்து அறநிலையத்துறை அமைச்சர் பெரியகருப்பன், பென்னாகரத்திற்கு சென்று கொண்டிருந்தார்.

அவரது காரை நல்லாம்பட்டியில் பாமகவினர் வழி மறித்து சோதனை செய்ய முயன்றனர். இந்த நிலையில் அங்கு திமுகவைச் சேர்ந்தவர்களும் திரண்டனர்.

இதனால் ஆவேசம் அடைந்த அமைச்சர் பெரியகருப்பனுக்கும், பாமகவினருக்கும் அங்கு சிறிது நேரம் வாக்கு வாதம் நடந்தது.

இதனையடுத்து அமைச்சர் கார் அந்த இடத்தில் இருந்து புறப்பட்டு சென்றது. இதனால் அந்த பகுதியில் சலசலப்பு ஏற்பட்டது.