தமிழகத்திற்கு வரும் சுற்றுலாப் பயணிகள் எண்ணிக்கை 25% அதிகரிப்பு

சென்னை: கடந்தாண்டு தமிழகத்துக்கு வந்த சுற்றுலாப் பயணிகளின் எண்ணிக்கை எட்டு கோடியை தாண்டியுள்ளது.

உள்நாட்டு மற்றும் வெளிநாட்டு சுற்றுலாப் பயணிகளின் எண்ணிக்கையை சேர்த்து கடந்த 2009ம் ஆண்டில் தமிழகத்துக்கு மொத்தம் 8 கோடியே 4 லட்சத்து 6 ஆயிரத்து 657 சுற்றுலாப் பயணிகள் வருகை தந்துள்ளனர்.

தமிழ்நாடு சுற்றுலா மேம்பாட்டுக் கழக நிர்வாக இயக்குனர் சித்தரஞ்சன் மோஹன்தாஸ் இத்தகவலை தெரிவித்தார்.

இதற்கு முந்தைய ஆண்டை ஒப்பிடுகையில் 2009ம் ஆண்டில் சுற்றுலா பயணிகளின் வரத்து, 24.36 விழுக்காடு அதிகரித்துள்ளது.

கடந்த 2009ம் ஆண்டில் தமிழகத்துக்கு வருகை தந்த வெளிநாட்டு சுற்றுலாப் பயணிகளின் எண்ணிக்கை 23 லட்சத்து 69 ஆயிரத்து 50 என கணக்கிடப்பட்டுள்ளது.

நடப்பாண்டில் சுற்றுலாப் பயணிகளின் எண்ணிக்கை 35 விழுக்காடு உயரும் என சுற்றுலாத் துறை எதிர்பார்க்கிறது.