பிப்ரவரியில் தொழில்துறையில் 15 சதவிகித வளர்ச்சி

டெல்லி: கடந்த பிப்ரவரி மாதம் இந்தியத் தொழில்துறை 15 சதவிகித வளர்ச்சி கண்டுள்ளது.

கடந்த டிசம்பர் மற்றும் ஜனவரி மாதங்களுடன் ஒப்பிடுகையில் (முறையே 17.6 மற்றும் 16 சதவிகிதம்) இது சிறிய வீழ்ச்சியே என்றாலும் சர்வதேச நிலவரத்துடன் ஒப்பிடுகையில், திருப்திகரமான வளர்ச்சிதான் என்கிறார்கள் நிபுணர்கள்.

தொழில்துறை உற்பத்தி குறியீட்டெண் அறிவித்துள்ள புள்ளி விவரப்படி, இந்திய தொழில் துறையில் இன்னும் சர்வதேச நிதி நெருக்கடியின் தாக்கம் இருந்தாலும், அரடு அளித்த சலுகைகள் மற்றும் இந்தியத் தன்மை பெரும் வீழ்ச்சியைத் தடுத்து நிறுத்தியுள்ளது.

நுகர்வோர் பொருள் உற்பத்தி, சர்வதேச நெருக்கடிகளுக்கு மத்தியிலும் 29.9 சதவிகிதம் உயர்ந்துள்ளது. மூலதனப் பொருள் உற்பத்தி 44.4 சதவிகிதம் உயர்ந்துள்ளது.

கனிமம் மற்றும் சுரங்கத் துறையில் 12.2 சதவிகிதமும், மின் துறையில் 6.7 சதவிகிதமும் உயர்வு ஏற்பட்டுள்ளது.

கடந்த ஆண்டின் முதல் 11 மாதங்களில் தொழில்துறை உற்பத்தி மொத்தமாக 10.1 சதவிகிதம் உயர்வு கண்டுள்ளது. இதுவே 2008-ம் ஆண்டு 3 சதவிகிதம்தான் வளர்ச்சி ஏற்பட்டது.

அதேபோல, நாட்டிலுள்ள மொத்தம் 17 தொழில் குழுமங்களில் 14 குழுமங்கள் நல்ல வளர்ச்சி கண்டுள்ளன.