63 உறுப்பினர்களைக் கொண்டதாக தமிழக சட்ட மேலவை அமையும்

சென்னை: தமிழகத்தில் மீண்டும் உருவாக்கப்படும் மேலவையில் 63 உறுப்பினர்கள் இருப்பார்கள் என முதல்வர் கருணாநிதி தெரிவித்துள்ளார்.

தமிழகத்தில் மீண்டும் மேலவையை உருவாக்க திமுக அரசு முடிவு செய்து இன்று சட்டசபையில் தீர்மானம் கொண்டு வந்தது. பெரும்பான்மை உறுப்பினர்களின் ஆதரவுடன் தீர்மானம் நிறைவேற்றப்ப்ட்டது.

பின்னர் உரை நிகழ்த்திய முதல்வர் கருணாநிதி, புதிதாக உருவாக்கப்படும் சட்ட மேலவையில் 63 உறுப்பினர்கள் இருப்பார்கள்.

இவர்களில் 21 பேர் சட்டமன்றப் பிரதிநிதிகள் மூலம் தேர்வு செய்யப்படுவார்கள். 21 பேர் உள்ளாட்சிப் பிரதிநிதிகள் மூலம் தேர்வு செய்யப்படுவர். ஆசிரியர்கள், பட்டதாரிகள் மூலம் தலா 6 பேர் தேர்வு செய்யப்படுவார்கள். 9 உறுப்பினர்கள் ஆளுநர் மூலம் நியமனம் செய்யப்படுவார்கள் என்று தெரிவித்தார் முதல்வர்.

பழைய சட்டசபையில் செம்மொழி ஆய்வு மையம்

முதல்வர் மேலும் கூறுகையில், பழைய சட்டசபை வளாகத்தில், மத்திய செம்மொழி தமிழ் மையம் செயல்படும் எனவும் அறிவித்தார்.