தஞ்சாவூரில் பிரபல ரவுடி பிலிப் வெட்டிக் கொலை

தஞ்சாவூர்: தஞ்சாவூரில் பிரபல ரவுடி வெட்டிக் கொலை செய்யப்பட்டார்.

தஞ்சாவூரைச் சேர்ந்தவர் பிலிப். அப்பகுதியில் பிரபல ரவுடி ஆவார். கொலை, வழிப்பறி உள்ளிட்ட வழக்குகளில் தொடர்புடையவர்.

இந்த நிலையில் இன்று ரவுடி பிலிப் சைக்கிளில் போய்க் கொண்டிருந்தார். அப்போது அவரை ஒரு கும்பல் பின் தொடர்ந்து வந்தது. பின்னர் பிலிப்பை வழிமறித்து நிறுத்திய அக்கும்பல் பிலிப்பை சரமாரியாக வெட்டித் தள்ளியது.

இதில் பிலிப் சம்பவ இடத்திலேயே ரத்த வெள்ளத்தில் பிணமானார். விரைந்து வந்த போலீஸார் உடலைக் கைப்பற்றி விசாரணை நடத்தி வருகின்றனர்.