அரசியலில் குதித்தார் ஹாரி பாட்டர் எழுத்தாளர் ரவ்லிங்
பிரிட்டிஷ் பார்லிமெண்டுக்கு அடுத்த மாதம் நடக்கும் தேர்தலில் அவர் ஆளும்கட்சிக்கு ஆதரவாக பிரச்சாரம் செய்து வருகிறார்.
உலகின் அதிக வருவாய் ஈட்டும் எழுத்தாளர் என்ற புகழ் பெற்றவர் ரவ்லிங். இவரது ஹாரி பாட்டர் புத்தக சீரிஸ், உலகம் முழுக்க இவரை பெரும் புகழ் பெற்றவராக மாற்றியது. இன்றைக்கு பிரிட்டனின் மிகப் பெரிய கோடீஸ்வரர்கள் பட்டியலில் ரவ்லிங்கும் இடம் பெற்றுள்ளார்.
புகழும் பணமும் சேர்ந்தபிறகு பணக்காரர்களுக்கு வரும் நியாயமான அரசியல் ஆசை ஜே.கே.ரவ்லிங்கிற்கும் தற்போது வந்துள்ளது. அடுத்த மாதம் நடக்கவுள்ள பிரிட்டன் பார்லிமென்ட் தேர்தலில், ஆளும் தொழிலாளர் கட்சிக்கு ஆதரவாக அவர் தீவிர பிரசாரம் மேற்கொண்டுள்ளார்.
எதிர்க்கட்சியான கன்சர்வேட்டிவ் கட்சியை கடுமையாக விமர்சிக்கும் ரவ்லிங், அவர்களது தேர்தல் அறிக்கையை கடுமையாக விமர்சித்து வருகிறார். வறுமையில் வாடும் மக்களைக் கண்டு கொள்ளாமல் பொய்யான வாக்குறுதிகளைக் கொடுப்பதாகத் தாக்கியுள்ளார் அவர்.