புற்று நோயாளிகள் ரயிலில் இலவசமாக பயணம் செய்யலாம் - தெற்கு ரயில்வே

சென்னை : புற்று நோயாளிகள் சிகிச்சைக்காக செல்லும்போது ரயில்களில் இலவசமாக பயணம் செய்யலாம். அவர்களுக்குத் துணையாக வருவோருக்கு கட்டணச் சலுகை வழங்கப்படும் என்று தெற்கு ரயில்வே தெரிவித்துள்ளது.

அங்கீகரிக்கப்பட்ட மருத்துவமனைகளில் சிகிச்சைக்காகவும் பரிசோதனைக்காகவும் செல்லும் புற்று நோயாளிகள் ரயிலில் 2-ம் வகுப்பிலும், 3-ம் வகுப்பு ஏ.சி. பெட்டியிலும் இலவசமாக பயணம் செய்யலாம். அவர்களுடன் துணைக்கு வருவோருக்கு 75 சதவீத கட்டண சலுகை வழங்கப்படும்.

மேலும் ஏ.சி முதல் மற்றும் 2-ம் வகுப்பு பெட்டிகளில் புற்றுநோயாளிகள் 75 சதவீத கட்டண சலுகையிலும் துணைக்கு வருவோர் 50 சதவீத கட்டண சலுகையிலும் பயணம் செய்யலாம். இந்த உத்தரவு உடனடியாக அமலுக்கு வரும் என்று தெற்கு ரயில்வே செய்திக்குறிப்பில் தெரிவிக்கப்பட்டுள்ளது.