நடிகை ரஞ்சிதாவிடமிருந்து இதுவரை வாக்குமூலம் பெறப்படவில்லை –கர்நாடக சிஐடி டிஜிபி

ஹூப்ளி: ரஞ்சிதா பெங்களூர் வந்து வாக்குமூலம் அளிக்கவுள்ளதாக கூறப்படுவது தவறான தகவலாகும். அவர் தொடர்ந்து செல்போனை ஆப் செய்து வைத்துள்ளார் என்று கர்நாடக மாநில சிஐடி டிஜிபி குரு பிரசாத் கூறியுள்ளார்.

இதுகுறித்து ஹூப்ளியில் செய்தியாளர்களிடம் அவர் பேசுகையில்,

நடிகை ரஞ்சிதா இன்னும் 2 நாட்களில் போலீசாரை நேரில் சந்தித்து நித்யானந்தாவை பற்றி வாக்கு மூலம் கொடுப்பதாக வந்திருக்கும் தகவல்கள் முற்றிலும் தவறானது. அவரிடம் போலீசார் தொடர்பு கொண்டு பேசி இருக்கிறார்கள். ஆனால் அவரது செல்போன் தற்போது சுவிட்ச் ஆப் செய்யப்பட்டு உள்ளது. இதனால் அவரை தொடர்பு கொள்ளவில்லை. அவர் எப்போது வந்து வாக்குமூலம் அளிப்பார் என்பது தெரியவில்லை.

நடிகை ரஞ்சிதாவிடம் இதுவரை எந்த வாக்குமூலமும் வாங்க வில்லை. அவ்வாறு ரஞ்சிதா வாக்குமூலம் கொடுத்தால், அது பற்றிய தகவல்களை கட்டாயம் போலீசார் வெளியிடுவார்கள் என்றார்.