வளர்ச்சிப் பாதைக்குத் திரும்பியது அமெரிக்க பொருளாதாரம்

வாஷிங்டன்: 2010ம் ஆண்டின் முதல் மூன்று மாதங்களில் அமெரிக்க பொருளாதாரம் 3.2 சதவீத வளர்ச்சியைக் கண்டுள்ளது.

நுகர்வோரின் வாங்கும் சக்தி அதிகரித்திருப்பதே இதற்குக் காரணம் எனத் தெரிவிக்கப்பட்டுள்ளது.

கடந்த 3 ஆண்டுகளில் அமெரிக்கப் பொருளாதாரம் வளர்ச்சிப் பாதையைத் தொட்டிருப்பது இதுவே முதல் முறையாகும்.

தொடர் பொருளாதார சீர்குலைவு, இதனால் நூற்றுக்கணக்கான வங்கிகள் திவால் ஆனது என பெரும் சரிவைச் சந்தித்து வந்த அமெரிக்க பொருளாதாரம் வளர்ச்சிப் பாதைக்குத் திரும்பியிருப்பது அமெரிக்க பொருளாதார நிபுணர்களை மகிழ்ச்சி அடைய வைத்துள்ளது.