2010-11 ம் ஆண்டுக்கு தமிழகத்திற்கு ரூ.20,068 கோடி ஒதுக்கீடு

டெல்லி: தமிழகத்திற்கு 2010-11ம் நிதியாண்டுக்கு ரூ. 20,068 கோடியை திட்டக் கமிஷன் ஒதுக்கியுள்ளது.

டெல்லி சென்றுள்ள முதல்வர் கருணாநிதி இன்று மாலை மத்திய திட்டக் கமிஷன் கூட்டத்தில் கலந்து கொண்டார். அப்போது தமிழகத்திற்கான நிதி ஒதுக்கீடு குறித்து திட்டக் கமிஷன் துணைத் தலைவர் எம்.எஸ். அலுவாலியாவுடன் முதல்வர் ஆலோசனை நடத்தினார்.

இந்த ஆலோசனைக்குப் பின்னர்தமிழகத்திற்கு ரூ. 20,068 கோடி ஒதுக்க தீர்மானிக்கப்பட்டது. இது கடந்த ஆண்டை விட ரூ. 2600 கோடி கூடுதலாகும்.

பின்னர் செய்தியாளர்களிடம் முதல்வர் கருணாநிதி பேசுகையில், நடப்பு நிதியாண்டில், மின் திட்டங்களுக்கு முன்னுரிமை தரப்படும் என்று தெரிவித்தார்.