கடந்த நூறு ஆண்டுகளில் கோடைகாலத்தில் சென்னையில் வெப்பம் அதிகரிப்பு

சென்னை: கடந்த நூறு ஆண்டுகளில் சென்னை நகரில் கோடைகாலத்தில் வெப்பத்தின் அளவு கணிசமாக அதிகரித்துள்ளதாக மண்டல வானிலை ஆய்வு மையம் தெரிவித்துள்ளது.

1906ம் ஆண்டு முதல் 2009 வரையிலான காலகட்டத்தில் சென்னை நகரில் கோடைகாலத்தில் நிலவும் வெப்பத்தின் அளவு அதிகரித்துள்ளதாம்.

இந்த ஆண்டுகளில் மார்ச், ஏப்ரல், மே மற்றும் ஜூன் மாதங்களில் 1.8 டிகிரி செல்ஷியஸ் வெப்ப நிலை அதிகரித்துள்ளதாம். கடந்த 1906ம் ஆண்டு மார்ச் மாதம் 32.2 டிகிரி செல்சியஷாக இருந்த சராசரி வெயிலின் அளவு, தற்போது 34 டிகிரியாக உயர்ந்துள்ளது.

சென்னையில் மட்டுமல்லாமல் உலக அளவில் குறைந்தபட்ச வெயிலின் அளவு அதிகரித்தவண்ணம் உள்ளது. இது கடலோர நகரங்களில்தான் அதிகஅளவில் தாக்கத்தை ஏற்படுத்துகிறதாம்.