வீடியோகானுக்கு உலக வங்கி 3 ஆண்டுகள் தடை... பங்குகள் கடும் சரிவு!!

மும்பை: மோசடி மற்றும் லஞ்ச குற்றச்சாட்டுகளுக்கு உள்ளான நிறுவனங்களின் பட்டியலில் வீடியோகானையும் சேர்த்துள்ளது உலக வங்கி. இதனால் அடுத்த மூன்று ஆண்டுகளுக்கு இந்த நிறுவனம் உலக வங்கியுடன் எந்த பரிவர்த்தனையிலும் ஈடுபட முடியாது.

உலக வங்கி்யின் இந்த அறிவிப்பினைத் தொடர்ந்து வீடியோகான் நிறுவனப் பங்குகள் பெரும் சரிவுக்குள்ளாயின.

இந்றைய பங்கு வர்த்தகத்தில் வீடியோகான் பங்குகள் 12 சதவிகிதம் குறைந்து ரூ 200-க்கு கைமாறியது.

இந்த ஆண்டு ஜனவரி முதல் அடுத்த மூன்றாண்டுகளுக்கு வீடியோகானுக்கு உலக வங்கியின் தடை நீடிக்கிறது.

சில ஆண்டுகளுக்கு முன் சத்யம் கம்ப்யூட்டர்ஸ் நிறுவனத்தின் சரிவு உலக வங்கியின் இதுபோன்றதொரு அறிவிப்பிலிருந்துதான் துவங்கியது குறிப்பிடத்தக்கது.