பர்னாலாவுடன் கருணாநிதி சந்திப்பு-அமைச்சரவை மாற்றம்?

சென்னை: தமிழக ஆளுநர் சுர்ஜித்சிங் பர்னாலாவை முதல்வர் கருணாநிதி ஆளுநர் மாளிகையில் சந்தித்துப் பேசினார்.

அப்போது அமைச்சரவை மாற்றம் தொடர்பாக இருவரும் விவாதித்திருக்கலாம் என்று தெரிகிறது.

நேற்று சந்தித்தபோது நீண்ட நாள்களாக உடல் நலக் குறைவால் பாதிக்கப்பட்டிருந்த பர்னாலாவிடம், கருணாநிதி நலம் விசாரித்தார்.

கோவை உலகத் தமிழ்ச் செம்மொழி மாநாட்டுக்கான அழைப்பிதழையும் வழங்கினார்.

அதோடு தமிழக அமைச்சரவை மாற்றம் தொடர்பாகவும் இருவரும் விவாதித்திருக்கலாம் என்று தெரிகிறது.

திமுக செயல் திட்டக்குழுக் கூட்டம்:

இந் நிலையில் திமுக உயர்நிலை செயல்திட்டக் குழு கூட்டம் முதல்வர் கருணாநிதி தலைமையில் வரும் 30ம் தேதி நடைபெறும் என்று திமுக பொதுச் செயலாளர் அன்பழகன் தெரிவித்துள்ளார்.