கோஸ்டரிகா நாட்டின் முதல் பெண் அதிபர்!

சான் ஜோஸ்: கோஸ்டரிகா நாட்டின் முதல் பெண் அதிபராக லாரா சின்சில்லா பதவி ஏற்றுள்ளார்.

அமெரிக்க கண்டத்தில் உள்ள கோஸ்டரிகா நாட்டில் கடந்த பிப்ரவரி மாதம் 7ம் தேதி அதிபர் தேர்தல் நடந்தது. இதில் லாரா சின்சில்லா வெற்றி பெற்றார்.

இதையடுத்து நேற்று அவர் அதிபராக பதவி ஏற்றார்.

இதன் மூலம் கோஸ்டரிகாவின் முதல் பெண் அதிபர் என்ற பெருமையை அவர் பெறுகிறார்.

அவருடன் 2 துணை அதிபர்களும் பொறுப்பேற்றனர். பதவி ஏற்பு விழாவில் மெக்சிகோ, கொலம்பியா, ஈகுவடார், ஜார்ஜியா, பனாமா, கவுதமாலா, ஹோண்டுரஸ், எல்காஸ்வேடர், நிகாராகுவா ஆகிய தென் அமெரிக்க நாட்டு அதிபர்களும், ஸ்பெயின் பட்டத்து இளவரசர் பெலிப் ஆகியோரும் கலந்து கொண்டனர்.

வட, தென் அமெரிக்கக் கண்டங்களை இணைக்கும் மத்திய நாடாக அமைந்துள்ளது கோஸ்டரிகா.