நல்ல தலிபான், கெட்ட தலிபான் என்று ஏதுமில்லை!-ரஷ்யா

டெல்லி: பாகிஸ்தான்-ஆப்கானிஸ்தான் எல்லையில் 40 தீவிரவாத முகாம்கள் செயல்பட்டு வருவதாக தங்கள் நாட்டு உளவுப் பிரிவான கே.ஜி.பி தெரிவித்துள்ளதாக இந்தியாவுக்கான ரஷ்யத் தூதர் அலெக்ஸாண்டர் கடாகின் கூறியுள்ளார்.

அவர் கூறுகையில், ரஷ்ய உளவு செயற்கைக் கோள்கள் மற்றும் கே.ஜி.பி. நடத்திய விசாரணைகளின் அடிப்படையின் இந்தத் தகவல்கள் தெரியவந்துள்ளன.

முன்பு இந்த முகாம்களின் வெளியே போர்டுகளில் தங்கள் தீவிரவாத அமைப்பின் பெயரையும் எழுதி வைத்திருப்பார்கள். இப்போது அந்த போர்டுகளைக் காணவில்லை, ஆனால் தீவிரவாத பயிற்சி முகாம்கள் அப்படியே தான் உள்ளன.

இந்த முகாம்களை ஒழித்துக் கட்ட பாகிஸ்தான் போதிய நடவடிக்கைகளை எடுக்கவில்லை.

தலிபான்களி்ல் நல்ல தலிபான், கெட்ட தலிபான் என்று ஏதும் இல்லை. இரண்டுமே ஒன்று தான். நல்ல தலிபான்களுடன் ஒப்பந்தம் என்று எதையாவது சொல்லிக் கொண்டு ஆப்கானிஸ்தானில் இருந்து அமெரிக்கப் படைகள் வெளியேறிவிடக் கூடாது. அப்படி ஏதாவது நடந்தால் ஆப்கானிஸ்தான் நரகமாகிவிடும்.

ஆப்கானிஸ்தானி்ன் வளர்ச்சிப் பணிகளில் இந்தியாவுக்கும் ரஷ்யாவுக்கும் நிறைய வேலை மிச்சமிருக்கிறது என்றார் கடாகின்.

1999ம் ஆண்டு முதல் இந்தியாவில் தூதராக உள்ளார் கடாகின் என்பது குறிப்பிடத்தக்கது.