ஜெயல​லி​தா​வின் பாது​காப்பு-ஸ்டா​லின் விளக்​கம்

சென்னை: முன்​னாள் முதல்​வர் ஜெயல​லி​தா​வுக்கு வழங்கப்பட்டு வரும் பாதுகாப்பு குறித்து துணை முதல்​வர் மு.க.ஸ்டா​லின் விளக்கம் அளித்துள்ளார்.

சட்ட​சபையில் காவல்​துறை மானி​யக் கோரிக்கைகள் மீதான விவா​தத்​துக்​குப் பதி​ல​ளிக்கையில் ஸ்டாலி்ன் கூறியது:​

6.4.1995ல் பேசிய அப்போதைய முதல்வர் ஜெயலலிதா, இந்தியாவில் எந்த மாநிலத்திலாவது குற்றம் நடக்காமல் உள்ளதா? குற்றங்களை நடைபெறாத நாடு உலகில் கிடையாது. தமிழகத்தில் குற்றங்களின் எண்ணிக்கை குறைந்து கொண்டே வருகிறது. அதேசமயம் கண்டுபிடித்த குற்றங்களின் எண்ணிக்கை உயர்ந்து கொண்டே வருகிறது. அதைத்தான் நாம் கணக்கில் எடுத்துக் கொள்ளவேண்டும் என்றார்.

ஆகவே, 2008ல் நடைபெற்ற கொலைகள் 1630. அதில் 1,526 குற்றவாளிகள் கண்டுபிடிக்கப்பட்டிருக்கிறார்கள் 94 சதவீதம் கண்டுபிடிக்கப்பட்டிருக்கிறது. 2009ம் ஆண்டில் 1,644 கொலைகள், அதிலே 1,562 குற்றவாளிகள் கண்டுபிடிக்கப்பட்டிருக்கிறார்கள். 95 சதவீகிதம் கண்டுபிடிக்கப்பட்டிருக்கிறது. ஜெயலலிதாவின் கருத்துபடி நியாயமாக அதிமுக உறுப்பினர்கள் இந்த அரசை பாராட்ட வேண்டும்.

ஜெயலலிதாவின் பாதுகாப்பு:

போயஸ் கார்​ட​னில் உள்ள ஜெயலலிதாவின் இல்​லத்​தில் அவரது மெய்க்காப்பாளர்களாக 2 எஸ்பிக்கள்,​​ 3 இன்ஸ்பெக்டர்கள் பாதுகாப்பு வழங்கி வருகின்றனர்.

அவர்​க​ளுக்கு 9 எம்.எம்.​ ரக துப்​பாக்கி வழங்​கப்​பட்​டுள்​ளது.​

மேலும் கூடு​தல் மெய்க்​கா​வல் பணி​யில் 3 ஏட்டுகள் தொடர்ந்து பணி​யில் உள்​ள​னர்.​

ஜெயலலிதாவின் இல்​லப் பாது​காப்​புக்கு 10 பேர் அடங்​கிய காவல் துறை​யி​னர் தானி​யங்கி துப்​பாக்​கி​க​ளோடு பாது​காப்​புப் பணி​யில் 24 மணி நேரமும் ஈடுபட்டுள்ளனர்.

வழிக்​கா​வல் பாது​காப்​புக்​காக இரண்டு வாக​னங்​க​ளோடு பொலிரோ ரக ஜீப்​பும்,​​ அம்​பா​சி​டர் காரும்,​​ 24 காவல் அலு​வ​லர்​கள் 8 மணி ஷிப்டுகளாக நாள் முழுவதும் 3 சுழற்சி முறை​யில் பணி​யில் ஈடு​ப​டுத்​தப்​ப​டு​கி​றார்​கள்.​

மேலும் 12 தேசிய பாது​காப்​புப் படை​யி​னர் 2 அம்​பா​சி​டர் கார் வாக​னங்​க​ளில் வழிக்​கா​வல் பணி​யில் ஈடு​ப​டுத்​தப்​பட்​டுள்​ள​னர்.​

பார்​வை​யா​ளர்​க​ளைச் சோதனை செய்​வ​தற்​கான பணி​யில் 3 காவ​லர்​கள்,​​ 2 பெண் காவ​லர்​கள் பாது​காப்​புப் பணி​யில் ஈடு​ப​டுத்​தப்​பட்​டுள்​ள​னர்.​ ​

ஜெயலலிதா சிறு​தா​வூர் மற்​றும் கொட​நாடு இல்​லத்​தில் தங்​கு​கின்ற காலத்​தில் போயஸ் தோட்ட இல்​லத்​தில் 10 பேர் அடங்​கிய பாது​காப்பு அலு​வ​லர்​கள்,​​ பாது​காப்​புக் காவ​லர்​கள் பணியில் உள்ளனர் என்​றார் மு.க.ஸ்டா​லின்.