என் மீதான குற்றச்சாட்டுக்களுக்கு பிசிசிஐ காட்டும் ஆதாரங்கள் அனைத்தும் கற்பனையானவை – லலித் மோடி

டெல்லி: என் மீதான குற்றச்சாட்டுக்களுக்கான ஆதாரங்களை இந்திய கிரிக்கெட் வாரியம் காட்ட மறுப்பதன் மூலம் அவை கற்பனையானவை என்று தெரிகிறது என கூறியுள்ளார் சஸ்பெண்ட் செய்யப்பட்ட ஐபிஎல் ஆணையர் லலித் மோடி.

தன் மீது இந்திய கிரிக்கெட் வாரியம் கூறியுள்ள குற்றச்சாட்டுக்கள் குறித்து வாரியத்திற்கு மோடி சில கேள்விகளை எழுப்பியுள்ளார்.

அதில் அவர் கூறுகையில்,என் மீதான புகார்களை சுமத்தியுள்ள கிரிக்கெட் வாரியம், அதற்கான ஆதாரங்களாக கருதுவதை என்னிடம் காட்ட மறுப்பது ஏன். அப்படியானால் அவை உண்மையான ஆதாரங்கள் இல்லை, கற்பனையானவை, சட்டவிரோதமானவை என்று தெரிய வருகிறது.

வெறும் கற்பனை ஆதாரங்களை வைத்துக் கொண்டு என் மீது குற்றங்களை சுமத்தியுள்ளது இந்திய கிரிக்கெட் வாரியம் என்று கூறியுள்ளார் மோடி.