கச்சா எண்ணெய் விலை 70 டாலருக்கும் கீழ் சரிந்தது!
சிங்கப்பூர்: ஆசிய சந்தையில் கச்சா எண்ணெய் விலை பேரல் ஒன்றுக்கு 70 டாலருக்கும் கீழ் குறைந்துள்ளது.
ஜூன் 1-ம் தேதிக்கான டெலிவரி கான்டராக்டின்படி ஒரு பேரல் கச்சா எண்ணெய்யின் விலை 69.82 டாலராக உள்ளது. சனிக்கிழமை இறுதி விலை 74.40டாலராக இருந்தது. இன்று மேலும் விலை குறைந்துள்ளது. சர்வதேச அளவில் கச்சா எண்ணெய்க்கான தேவையில் ஏற்பட்ட பெரும் சரிவுதான் இந்த விலை வீழ்ச்சிக்குக் காரணம் என்று கூறப்பட்டுள்ளது.
மேலும் டோக்கியோ, நியூயார்க் பங்குச் சந்தைகளில் சரிவு காணப்படுவதாலும் சர்வதேச சந்தையில் கச்சா எண்ணெய்யின் விலை தொடர்ந்து சரிந்து வருவதாக சந்தை நிபுணர்கள் தெரிவித்துள்ளனர்.
ஆனால் இந்த நிலை நீண்ட நாள் நீடிக்காது என்றும், இந்தியா, சீனா போன்ற நாடுகளின் கச்சா எண்ணெய் தேவை அதிகரிக்கும் என்று எதிர்ப்பார்ப்பதால், நம்பிக்கையுடன் இருக்கலாம் என்றும் நிபுணர்கள் கூறியுள்ளனர்.