எல்ஜி நிறுவன அதிபர் எல்.ஜி. வரதராஜுலு மரணம்

கோவை: எல்ஜி குழும நிறுவனங்களின் தலைவரான எல்.ஜி.​ வரதராஜுலு ​(82) நேற்று காலமானார்.

கோவை அருகே உள்ள கலங்கல் கிராமத்தில் பிறந்த வரதராஜுலு, ஆட்டோமொபைல் என்ஜினியரிங் முடித்து தனது தந்தையின் பஸ் போக்குவரத்து நிறுவனத்தை கவனிக்க ஆரம்பித்தார்.

1960களில் ஆட்டோமொபைல் உதிரி பாகங்கள் மற்றும் ஏர் கம்ப்ரஸர்கள் தயாரிக்கும் நிறுவனத்தைத் துவக்கினார்.​ பின்னர் ​எல்ஜி எக்யூப்மெண்ட்ஸ்,​​ எல்ஜி ரப்பர்,​​ எல்ஜி அல்ட்ரா இண்டஸ்ட்ரீஸ்,​​ எல்ஜி ​பாலகிருஷ்ணன் அண்ட் கோ ஆகிய நிறுவனங்களைத் தொடங்கினார்.

ஏர் கம்பரஸர்கள் உற்பத்தியில் எல்ஜி நிறுவனத்தின் தயாரிப்புகளை முக்கிய இடத்துக்குக் ​ கொண்டு வந்தவர் வரதராஜுலு.​ இரு பள்ளிகளையும் நடத்தி வந்தார்.

உடல் நலக் குறைவாக இருந்த வரதராஜுலு புதன்கிழமை காலை காலமானார்.