விமான விபத்து எதிரொலி- ஐ.மு. கூட்டணியின் முதலாமாண்டு விழா கொண்டாட்டம் ரத்து

டெல்லி: மங்களூரில் நடந்த கோர விமான விபத்தைத் தொடர்ந்து, டெல்லியில் இன்று ஏற்பாடு செய்யப்பட்டிருந்த ஐக்கிய முற்போக்குக் கூட்டணி அரசின் முதலாமாண்டு கொண்டாட்ட நிகழ்ச்சிகள் ரத்து செய்யப்பட்டுள்ளன.

முதலாமாண்டு நிறைவைத் தொடர்ந்து இன்று இரவு கூட்டணிக் கட்சிகளின் தலைவர்களுக்கு பிரதமர் மன்மோகன் சிங் இரவு விருந்தளித்துக் கெளரவிப்பதாக இருந்தது. ஆனால் மங்களூர் விமான விபத்தைத் தொடர்ந்து இந்த நிகழ்ச்சி ரத்து செய்யப்பட்டுள்ளது.

மேலும், ஐக்கிய முற்போக்குக்கூட்டணி அரசின் சாதனை அறிக்கையும் வெளியிடப்படாது என அறிவிக்கப்பட்டுள்ளது.