செல்போனில் செக்ஸ் தளங்கள்... இலங்கை கோர்ட் தடை உத்தரவு!

கொழும்பு: இலங்கையில் செல்போன்களில் ஆபாச இணையதளங்கள் பார்ப்பதை தடை செய்துள்ளது சிறுவர் நீதிமன்றம்.

இலங்கையில் இன்றைக்கு பெற்றோரை வாட்டும் பெரும் பிரச்சினையாக உள்ளது, செல்போனில் பரவும் செக்ஸ் காட்சிகள்தான். ஆபாச இணையதளங்களை இந்த செல்போன்களிலேயே பார்த்துக் கொள்கிறார்களாம். சிறுவர்கள் அதிக அளவில் இந்தச் செயலில் ஈடுபடுவதாகத் தெரிய வந்துள்ளது.

ஏராளமான பெற்றோர் போலீசாரிடம் இதுகுறித்து புகார்களையும் பதிவு செய்துள்ளனர்.

இந்தப் பிரச்சினை குறித்து இலங்கை சிறுவர் நீதிமன்றத்தில் முறையிடப்பட்டது. இதனை விசாரித்த நீதிமன்றம், செக்ஸ் இணையதளங்களை அனுமதிப்பது தொடர்பில் உரிய செல்போன் நிறுவனங்களுடன் கலந்து பேசி நடவடிக்கை எடுக்குமாறு மகளிர் மற்றும் சிறுவர் பிரிவு போலீஸாருக்கு உத்தரவிட்டுள்ளது.