இந்தியன் ஆயில் கார்ப்பரேஷன் லாபம் 246 சதவீதம் அதிகரிப்பு

டெல்லி: இந்தியன் ஆயில் கார்ப்பரேஷனின் நிகர லாபம் 2009-2010 நிதியாண்டில் 246 சதவீதம் அதிகரித்துள்ளது!

2008-2009ல் இந்த நிறுவனத்தின் லாபம் ரூ.2,949.5 ஆக இருந்தது. ஆனால், கடந்த நிதியாண்டில் இது 246 சதவீதம் அதிகரித்து ரூ.10,220.5 கோடியாக உயர்ந்துள்ளது.

இதுகுறித்து ஐஓசி தலைவர் பிஎம் பன்சால் கூறுகையில்,
ஐஓசி நிறுவனம் இன்று நல்ல நிலையில் உள்ளது. இப்போது கைவசம் உள்ள திட்டங்களை மறு பரிசீலனை செய்து, முக்கிய திட்டங்களுக்கு முன்னுரிமை தர முடிவு செய்துள்ளது.

ஒரிஸ்ஸாவின் பாரதிப் துறைமுகத்தில் உள்ள எண்ணெய் சுத்திகரிப்பு மற்றும் பெட்ரோ கெமிகல் தொழிற்சாலையை இரண்டாகப் பிரிக்கத் திட்டமிட்டுள்ளது.

பெட்ரோ கெமிக்கல் திட்டத்துக்கென்று ரூ.22,300 கோடி செலவழிக்கத் திட்டமிட்டுள்ளோம் என்றார்.