நான்காம் காலாண்டில் 8.6 சதவீத வளர்ச்சி-அசத்தும் இந்தியா!

டெல்லி: இந்தியப் பொருளாதாரம் கடந்த மார்ச் 31ம் தேதியோடு முடிந்த நான்காம் காலாண்டில் 8.6 சதவீதம் வளர்ச்சியடைந்துள்ளது.

மொத்த உள்நாட்டு உற்பத்தி 7.4 சதவீதமாக உயர்ந்துள்ள போதிலும் ஒட்டுமொத்த வளர்ச்சி 8.6 சதவீதமாக உள்ளது என மத்திய அரசின் புள்ளி விவரத்துறை (சிஎஸ்ஓ) திங்களன்று வெளியிட்ட அதிகாரப்பூர்வ புள்ளிவிவரம் தெரிவிக்கிறது.

கடந்த நிதியாண்டின் முதல் காலாண்டில் வளர்ச்சி 6.1 சதவீதமாகவும், இரண்டாம் காலாண்டில் 7.9 சதவீதமாகவும், மூன்றாம் காலாண்டில் 6 சதவீதமாகவும் இருந்தது.

நான்காம் காலாண்டின் இந்த அபார வளர்ச்சிக்கு, கனிமம் மற்றும் சுரங்கத் துறையின் அதிகபட்ச வளர்ச்சியே காரணம். இந்த காலாண்டில் சுரங்கம் மற்றும் கனிமத் துறைகள் முறையே 14 மற்றும் 16.3 சதவீதம் வளர்ச்சியை எட்டியுள்ளன.

ஹோட்டல் துறையில் 12.4 சதவீத வளர்ச்சியும், இன்சூரன்ஸ் துறையில் 7.9 சதவீத வளர்ச்சியும் எட்டப்பட்டுள்ளது.

இந்த காலாண்டில் 7.5 சதவீத வளர்ச்சியே எதிர்ப்பார்க்கப்பட்டது. ஆனால் 8.6 சதவீத வளர்ச்சி என்பது பொருளியலறிஞர்களை ஆச்சர்யத்தில் ஆழ்த்தியுள்ளது.