சென்னையில் ஒரு பவுன் தங்கம் விலை ரூ. 14,008

சென்னை: சென்னையில் இன்று ஒரு பவுன் தங்கம் ரூ. 32 உயர்ந்து, ரூ. 14,008 ஆக உயர்ந்துள்ளது.

தங்கம் விலை கடந்த பல நாட்களாகவே ஏறுவதும், இறங்குவதுமாக உள்ளது. அட்சய திரிதியை சமயத்தில் கடுமையாக உயர்ந்த தங்க விலை பின்னர் படிப்படியாக குறைந்தது.

நேற்று தங்கம் விலை ஒரே நாளில் பவுனுக்கு ரூ.208 உயர்ந்து ரூ.13 ஆயிரத்து 976 ஆக விற்றது. இன்று தங்கம் ஒரு கிராம் ரூ.1,747ல் இருந்து ரூ.1,751 ஆக அதிகரித்தது. இதனால் பவுனுக்கு ரூ.32 உயர்ந்தது. இதன் காரணமாக ஒரு பவுன் தங்கம் விலை ரூ.14 ஆயிரத்து 8 ஆக விற்றது.

தங்கம் விலை தொடர்ந்து அதிகரித்தபடியே இருப்பதால் நகை வாங்க விரும்புவோர், குறிப்பாக நடுத்தர வர்க்கத்தினர் பெரும் கவலை அடைந்துள்ளனர்.