ஜெயலலிதாவிடம் குறை கூற அதிமுக தொண்டர்கள் குவிந்தனர்

சென்னை: அதிமுக பொதுச் செயலாளர் ஜெயலலிதாவிடம் குறைகளைத் தெரிவிப்பதற்காக கட்சியின் தலைமைக் கழக அலுவலகத்தில் குவிந்து வருகின்றனர்.

அதிமுக தொண்டர்கள் ஜெயலலிதாவை நேரில் சந்தித்து குறைகளைத் தெரிவிக்கலாம். இதற்காக ஜெயலலிதா, அதிமுக தலைமைக் கழகத்திற்கு 9ம் தேதி வருகிறார் என்று அதிமுக கூறியிருந்தது.

அதன்படி இன்று பிற்பகல் 2மணிக்கு அதிமுக தலைமைக் கழகத்திற்கு தொண்டர்களிடம் குறை கேட்க ஜெயலலிதா வருகிறார். இதையடுத்து இன்று காலை முதலே அதிமுக தலைமைக் கழகத்தில் தொண்டர்கள் மனுக்களுடன் குவிந்து வருகின்றனர்.

வருகிற தொண்டர்களையெல்லாம் சேர் போட்டு உட்கார வைத்து வருகின்றனர்.

இதுகுறித்து தொண்டர்கள் சிலர் கூறுகையில், அம்மா எங்களையும் சந்தித்து குறை கேட்கவுள்ளது மகிழ்ச்சியாகவும், நெகிழ்ச்சியாகவும் உள்ளது.வைட்டமின் மாத்திரை சாப்பிட்டது போல உள்ளது என்றனர்.