தங்கம் விலை.. மீண்டும் உயர்ந்தது!

சென்னை: எக்கச் சக்கமாக உயர்வதும், பின்னர் கொஞ்சமாக சரிந்து அந்த விலை உயர்வை அப்படியே 'மெயின்டெய்ன்' செய்வதும் தங்க மார்க்கெட்டில் வழக்கமாகிவிட்டது.

கடந்த சில நாட்களாக ராக்கெட் வேகத்தில் உயர்ந்து வந்த தங்கத்தின் விலையில் நேற்று லேசான சரிவு ஏற்பட்டது. நேற்று முன்தினம் 1 கிராம் தங்கம் ரூ.1,746-க்கும், 1 பவுன் தங்கம் ரூ.13 ஆயிரத்து 968க்கும் விற்பனை செய்யப்பட்டது.

இந்த நிலையில் நேற்று தங்கத்தின் விலையில் சிறிய அளவில் குறைவு ஏற்பட்டது.

கிராம் தங்கத்தின் விலையில் ரூ.3 குறைந்து 1 கிராம் தங்கம் ரூ.1,743-க்கும், பவுன் தங்கத்தின் விலையில் ரூ.24 குறைந்து 1 பவுன் தங்கம் ரூ.13 ஆயிரத்து 944-க்கும் விற்பனை செய்யப்பட்டது.

இன்று காலை ஒரு கிராம் தங்கம் மீண்டும் ரூ.1,748 ஆக உயர்ந்தது. இதனால் ஒரு பவுன் ஆபரண தங்கத்தின் விலையில் ரூ.80 அதிகரித்தது. ஒரு பவுன் தங்கம் இன்று ரூ.13 ஆயிரத்து 984 ஆக விற்பனை ஆனது.