ஜுலை 26 முதல் நாடாளுமன்ற மழைக்கால கூட்டத் தொடர்

டெல்லி: நாடாளுமன்றத்தின் மழைக்கால கூட்டத் தொடர் அடுத்த மாதம் 26ம் தேதி தொடங்கும் என்று தெரிகிறது.

ஆகஸ்டு 27ம் தேதி வரை ஒரு மாதம் இந்த கூட்டத் தொடர் நடைபெறும் என்று தெரிகிறது.

போபால் விஷவாயு கசிவு விவகார தீர்ப்பு, முக்கிய குற்றவாளியான யூனியன் கார்பைடு நிறுவனத் தலைவர் ஆண்டர்சன் அமெரிக்காவுக்கு தப்பிச் சென்ற விவகாரம், மேற்கு வங்க ரயில் கவிழ்ப்பு சம்பவம் ஆகியவை நாடாளுமன்றத்தி்ல் பெரும் சூட்டைக் கிளப்பும்.

மேலும் விலைவாசி உயர்வு, வட மாநிலங்களில் அதிகரித்து வரும் ஜாதிரீதியிலான கெளரவ கொலைகள் ஆகிய பிரச்சனைகளும், சாதி அடிப்படையிலான மக்கள் தொகை கணக்கெடுப்பு நடத்த வேண்டும் என்ற கோரிக்கையும் நாடாளுமன்றத்தில் பிரச்சனையாக வெடிக்கலாம்.

மேலும் நாடாளுமன்ற நிலைக்குழுவின் பரிசீலனையில் இருக்கும் அணு விபத்து நஷ்ட ஈடு மசோதா மீது இந்த கூட்டத்தொடரில் ஓட்டெடுப்புடன் கூடிய விவாதம் நடைபெற உள்ளதால் அனல் பறக்கும் என்று தெரிகிறது.