நோக்கியா தொடர்ந்து முன்னிலை-இந்திய பிராண்டுகளும் பிரபலமாகின்றன

கொல்கத்தா: இந்தியாவின் செல்போன் ஹேன்ட்செட் சந்தையில் நோக்கியா தொடர்ந்து முன்னிலையில் இருந்து வந்தாலும் இந்திய பிராண்டுகள் தங்களது ஆதிக்கத்தை படிப்படியாக வலுப்படுத்தி வருகின்றன.

நோக்கியாவின் பங்கு 52 சதவீதமாக உள்ளன. இந்திய பிராண்டுகளின் சந்தை அளவு 14 சதவீதமாகும்.

இந்திய பிராண்டுகளான மைக்ரோமேக்ஸ் (4.1%), ஸ்பைஸ் (3.9%), கார்பன் (3%), லாவா (1.1%), லெமன் (1%) மற்றும் மேக்ஸ் (0.9%) ஆகிய சதவீத பங்குகளைக் கொண்டுள்ளன.

கடந்த ஆண்டுடன் ஒப்பிடுகையில், இந்திய பிராண்ட் ஹேன்ட்செட்கள் 10 சதவீத வளர்ச்சியைப் பெற்றுள்ளன. சாம்சங் நிறுவனம் 7 சதவீத விற்பனையை அதிகரித்துள்ளது. நோக்கியாவுக்கு 12 சதவீத விற்பனை குறைந்துள்ளது.

இந்தியாவில் தயாராகும் ஹேன்ட்செட்களின் உற்பத்தியாளர்கள் சீனா மற்றும் தைவானைச சேர்ந்தவர்களாக உள்ளனர். அங்கிருந்து உரிமை மற்றும் தொழில்நுட்பங்களைப் பெற்று இந்தியாவிலேயே இவை தயாரிக்கப்படுகின்றன என்பது குறிப்பிடத்தக்கது.