பாஜக எம்.பி. சித்து மனைவிக்கு டெங்கு காய்ச்சல்-கவலைக்கிடம்

டெல்லி: பாஜக எம்.பி. சித்துவின் மனைவி நவ்ஜோத் கெளருக்கு டெங்கு காய்ச்சல் ஏற்பட்டுள்ளது. கவலைக்கிடமான நிலையில் அவர் டெல்லி அப்பல்லோ மருத்துவமனையில் அனுமதிக்கப்பட்டுள்ளார்.

தீவிர சிகிச்சைப் பிரிவில் சேர்க்கப்பட்டுள்ள அவருக்கு தீவிர சிகிச்சை அளிக்கப்பட்டு வருகிறது.

இதுகுறித்து சித்து கூறுகையில் எனது மனைவிக்கு டெங்கு காய்ச்சல் தாக்கியுள்ளதற்கான அறிகுறிகள் இருப்பதாக டாக்டர்கள் கூறியுள்ளனர். இருப்பினும் இதை உறுதிப்படுத்தும் சோதனைகள் தொடர்ந்து நடந்து வருகின்றன.

சில தினங்களுக்கு முன்பு அவருக்கு வைரஸ்காய்ச்சல் வந்தது.இதையடுத்து பாட்டியாலாவில் உள்ள தனியார் மருத்துவமனையில் சேர்த்தோம். அங்கு அவரது ரத்த வெள்ளை அனுக்களின் அளவு குறைந்து வருவது கண்டுபிடிக்கப்பட்டது. இது டெங்கு அறிகுறி என்று டாக்டர்கள் கூறுகிறார்கள். இதையடுத்து டெல்லி அப்பல்லோ மருத்துவமனைக்கு அவரை கொண்டு வந்து சேர்த்துள்ளோம் என்றார்.