இன்று இந்தியாவுக்கு வருகிறது தமிழ் தேசிய கூட்டமைப்பு குழு

கொழும்பு தமிழ் தேசியக் கூட்டமைப்புக் குழுவினர் இன்று இந்தியாவுக்கு விஜயம் செய்கின்றனர்.

இந்திய அரசின் அழைப்பின் பேரில் இக்குழு இந்தியா வரவுள்ளதாக இலங்கைத் தமிழர் இணையதளங்களில் தெரிவிக்கப்பட்டுள்ளது. இதுகுறித்து கூட்டமைப்பைச் சேர்ந்த நாடாளுமன்ற உறுப்பினர் ஏ. சுமந்திரன் கூறுகையில், இந்திய அரசின் அழைப்பின் பேரில் அங்கு செல்கிறோம்.

அங்கு யாரைச் சந்திக்கவுள்ளோம், என்ன பேசவுள்ளோம் என்பது குறித்து இப்போது கூற முடியாது. இந்தியா யாரை சந்திக்க கூறுகிறதோ அவர்களை சந்திப்போம் என்றார்.

நான்கு நாள் பயணமாக இக்குழு இந்தியா வருவதாக தெரிகிறது.

சமீபத்தில் ராஜபக்சே டெல்லி வந்திருந்தபோது அமைதித் தீர்வு ஒன்று திட்டமிடப்பட்டதாக கூறப்படுகிறது. அதை தமிழ் தேசியக்கூட்டமைப்பிடம் இந்தியா அளித்து அதற்கு ஒப்புதல் அளிக்குமாறு வற்புறுத்தும் என எதிர்பார்க்கப்படுகிறது.