தமிழகத்தில் பந்த் படுதோல்வி-'காட்டிக் கொடு்க்கும்' கிரெடிட் கார்ட்!

மும்பை: அதிமுக, பாஜக, இடதுசாரிகள் நடத்திய பாரத் பந்த் தமிழகத்தில் படுதோல்வி அடைந்துவிட்டதை அந்த தினத்தில் தேசிய அளவில் கிரெடிட் கார்டுகள் மூலம் நடந்த வர்த்தகம் உறுதி செய்துள்ளது.

பந்த் நடந்த கடந்த 5ம் தேதி நாடு முழுவதுமே கிரெடிட் கார்டுகள் மூலம் நடந்த வர்த்தகம் 40 சதவீதம் சரிவை சந்தித்தது. இதில் கொல்கத்தா, மும்பையில் 80 சதவீதம் அளவுக்கு சரிவு ஏற்பட்டது.

ஆனால், சென்னை உள்பட தமிழகத்தி்ன் பல பகுதிகளிலும் இந்த வர்த்தகம் எந்த வகையிலும் பாதிக்கப்படவில்லை. வழக்கமான திங்கள்கிழமைகளில் எந்த அளவுக்கு கிரெடிட் கார்ட் பரிவர்த்தனைகள நடக்குமோ, அந்த அளவுக்கு வழக்கமான வர்த்தகம் நடந்துள்ளது.

தேசிய அளவில் மாலை 6 மணிக்கு பந்த் முடிந்த பின்னர் கிரெடிட் கார்ட் பரிவர்த்தனைகள் வழக்கத்தை விட 6 சதவீதம் அளவுக்கு அதிகரித்துள்ளதும் தெரியவந்துள்ளது.