தொழில் துறை வளர்ச்சி 11.5 சதவீதமாக உயர்வு!

டெல்லி: கடந்த மே மாதம் இந்தியத் தொழில்துறை வளர்ச்சி 11.5 சதவீதமாக உயர்ந்துள்ளது.

கடந்த ஆண்டு இதே காலகட்டத்தைக் காட்டிலும் இது 2.1 சதவீதம் அதிகமாகும்.

மூலதன, நுகர்பொருள் உற்பத்தியில் தொடர்ந்து நல்ல முன்னேற்றம் காணப்படுகிறது.

உற்பத்தித் துறையில் 80 சதவீத பொருள்களின் உற்பத்தி அளவு 12.3 சதவீதமாக உள்ளது. இதுவே கடந்த ஆண்டு 1.8 சதவீதமாக இருந்தது நினைவு கூறத்தக்கது.

மூலனதப் பொருள் உற்பத்தியில் 34.3 சதவீத வளர்ச்சி காணப்பட்டுள்ளது. கடந்த ஆண்டு இதே மே மாதம் -3.6 சதவீதமாக இருந்தது.

மின்துறையில்தான் இரட்டை இலக்க வளர்ச்சி எட்டப்படவில்லை. ஆனாலும் திருப்தி தரும் வகையில் 8.7 சத வளர்ச்சி காணப்பட்டுள்ளது.

நாட்டின் முக்கியமான 17 தொழில்களில் 15 மிகத் திருப்தியான இயங்குநிலையில் உள்ளதாக இனம் காணப்பட்டுள்ளது.

பொருளாதார மந்த காலத்துக்குப் பிந்தைய காலகட்டத்தில் இந்தியத் தொழில்துறை தொடர்ந்து 8வது மாதமாக இரட்டை இலக்க வளர்ச்சியைத் தொடர்வது குறிப்பிடத்தக்கது.