தென் அமெரிக்காவின் சிலியில் கடும் நிலநடுக்கம்

சான்டியாகோ: தென் அமெரிக்காவின் சிலி நாட்டில் கடும் நிலநடுக்கம் ஏற்பட்டது. இதனால் நாட்டின் வட கிழக்குப் பகுதி பெரும் அதிர்ச்சியை சந்தித்தது.

இந்த நிலநடுக்கத்தின் அளவு 6.2 ரிக்டராக பதிவாகியுள்ளது. பூகம்பத்தால் சான் பெட்ரோவில் உள்ள கலமா நகரம் பெரும் பாதிப்புக்குள்ளாகியுள்ளது. இருப்பினும் உயிரிழப்பு குறித்தோ, பொருட்சேதம் குறித்தோ தகவல் இல்லை.

தொலைபேசி இணைப்புகள் துண்டிக்கப்பட்டுள்ளன. நிலைமை அபாயகரமானதாக இருந்தாலும் கட்டுக்குள் இருப்பதாக சிலி தெரிவித்துள்ளது.